الأحد، 9 نوفمبر 2008

غير


تدرون في كل مره اختلط فيها مع الناس ، وفي كل مره اجتمع فيها مع من هم حولي سواء كانوا ربعي زملائي اي كان من الناس ... اكتشف فيهم شغلات غريبه علي .. وشغلات اما انها زينه أو مثل مانقول شينه .. وشغلات استوعبها بحيث اني احب اكررها وكأني اتعلم منهم ههههه شكرا رفيجي شكرا زميلي تعلمت منك بدون ماتدري يا من ملأت قطاري بعبره وفايده وملأت قطاري حكمه استفيد منها في محطاتي الجايه ( شي طيب انك تتعلم ما لا تعلم مو عيب ) .
أما الشين منهم كثر ما اقدر احاول اتفهم الاسباب اللي دعت هالانسان انه يتصرف بهالطريقه او بالتعبير .. ما ألومه ولا اعتب عليه أبد ، لأن يمكن الاسباب خفيه حتى اهو ذات نفسه مايعرفها .. نشأته تربيته ظروفة .. عوامل كثيره لها تأثير على السلوك .. واكيد الحين تسأل !!! المهم سليمان شنهي الزبده ؟

بقول : ميز الناس واعرف كيف تتعامل بذكاء .

وبقول : احنا بوقت تعددت فيه الوجوه تعددت فيه الشخصيات وزادت الألوان وزانت الاشكال ، اصبح الكل بالمظهر سواء ، واصبح الكل يترنح بأسلوبه الراقي ( يتجمل ) .. صبر صبر لقيتها تذكرون لما كنا صغار كانوا يحطون الأوبريت المصري اسمه الليلة الكبيرة واللي فيه دمى متحركه وعرايس .. تذكرون شكثر كنا نبتسم ونضحك وشكثر حبينا منهم شخصيات وشكثر اسعدتنا وزرعت فينا السعاده .. المهم احنا حبيناهم وحبينا اشكالهم ونسينا من يحركهم ويتلاعب فيهم .. ونسينا ماوراء العرايس .. ونسينا الايادي الخفيه اللي تحركها .. يعني العرايس هم اشبه بالبشر اللي حوالينا .. هم الناس اللي نتعامل معاهم هم المحيط ... اهم تحركهم عقولهم تحركهم معتقداتهم تحركهم طبائعهم وتحركهم ضمايرهم ... اخواني اخواتي لا تنغرون بالمظاهر ولا الاشكال ( فقاعات ) سرعان ما تزول .. ولا تأمن بسرعه اصبر انطر واعرف خبايا عقل من هو أمامك .. افهم وافتهم .. احتكم ولا تحكم بسرعه .. دار الصديق ولا تأمن بوادره ،،، فربما عاد بعد الصدق خوانا .

كتبتها غير ، صغتها غير ، نشرتها غير ، صج هالمره غير ، ونصيحتي طويلة يعني هم غير :)

سليمان القصار



هناك تعليقان (2):

غير معرف يقول...

بتعرف ليش كتبتها غير ... وصغتها غير ... ونشرتها غير !!!
لأنك إنت غير ..
إنت المميز

سليمان القصار يقول...

بصراحة ... ماعندي شي اقوله سوى كلمة شكرا من القلب .. وربي يحفظك .