الأربعاء، 6 أكتوبر، 2010

نصيحه












لازم درب الصبر في كل حال وحزه

وارفع صرح الامل وعن الياس عزه


سليمان القصار

هذيان












سقاني الشوق كاس الهوى امرار ..

مدري الوله سقاني الشوق مره ..

والفكر يانظر هالعين حشى ماغاب ..

عن ذاك الهوى ..

لا ساعه لا يوم ولا الدقيقه ..

ياعالم الكون يالباري نشدتك ..

بدّل الحلم احلى حقيقه ..

ودي اكحل العين في حسنه ومعاويده ..

ودي اتيرّع وبكفي اداعب راحة ايده ..

وبحبه لين احبه ..

بحضنه وبضمه عمر ..

ومن عذب حشاي اعطيه وازيده ..


سليمان القصار

يفوح












ساير الناس وعاشر ودهم تراك مسموح ..

بس هااا سرّك ياصويحبي حاذر تبوح ..

خله عطر بحشاك لا للغريب يفوح ..

تدري ليـــــــش ؟

ان فـــاح بســـاع يــــروح ..


سليمان القصار

ياصويحبي














ياصويحبي جايز بالحلا تشوفه مزيون ..

جايز به سحر ياخذ القلب ويتربع بالعيون ..

وجايز تعطيه احساسك وموق العيون ..

بس ياصاحبي نشدتك تركد بالهون وبالهون ..

تراه من قوم بساع يخون ..


سليمان القصار










لي خليل سكن بحشاي كنت اتغنى بعذاريبه ..

لي من حجوا طاريه قلت يالله تحفظه وتهلي به ..

واليوم ماعاد له جيه ياكبرها وياهي صعيبه ..



ذاك الزمان اللي خبرته حب وغلا ومزاح ..

رحل جما الريح بساع وانزاح ..

ماعليه يالسلم ذكراه الخير وان زاح ..



يالله تحفظه وتحميه وتثبت نصيبه ..


سليمان القصار











الكويتي يساير الناس بليا بشر ...

مدوده يشوف الثمان عقب العشر ...

سمعوا كلامي هقوتي صالح للنشر ...

داره سكنها الغريب واكل زاده ...

عقب ديرته النذل يرجف من زناده ...

واليوم عمي رفع شانه وزاده ...

عطاه وهم عطاه وزاده ...

والكويتي فقير صار ولبه قوته وزاده ...

مو عدل ؟

سليمان القصار

سراج











ياصويحبي لي اظلم الوقت خل سراي الصبر يمك

داعب النور بسواد عينك وخل قاز الصبر يحرق همك


سليمان القصار















ياصويحبي ارفع هامتك وخلك جما البوم بالبحر

لي لاح

تلقاك ضربت غبه ورى غبه على حس النهام

لي صاح

فل شراع الامل بعروقك وانثر شذى الصبر على صدرك جما العطر

فواح

واكفخ قيعان الغزر وانت صافي البال

مرتاح

هذا انت بوسط مينا وهذا هو مرساك يالله ابتسم وداعب قاع السنع

بمزاح


سليمان القصار

هذيان














غاب القمر من لفحة شعرها

والنجم ذاب وهوى من ابتسامة ثغرها

مدري هي ملاك والا من بشرها

تدرين شلون

تعالي واحضني حشاي يابعد عيني ونظرها


سليمان القصار













يالردي هلت بشاير رداك وجابوا الاخباري
وراي تقول في مسبتي وتلعن الطاري


تدري عاد ؟؟

انا البوم رافع صدري وبالبحر سماري
ماهمني والا نسيت ان السلم قصّاري


سليمان القصار










غريب امرنا


بالاول


ناخذ من يوف البحر كل خير .. ونعيش


واليوم


ترسنا وتلفنا حشاه الوصخ .. وتبونه يعيش ؟؟؟


صج غريب امرنا


سليمان القصار

ياصويحبي














ياصويحبي عد الليالي

وعد جم حبيب مع خله

وقطرات البحر عدها

وعد قطرات المطر شكثر لامست خده

عد الشجر وفيّه

وكل من قعد تحت ظله

واللي في يوفي لهم

تراك خايب ماتعرف تعده


سليمان القصار











أبوچ يامنيره وسط يوفه قلب (ن) حنون

يسامر كل غرو (ن) مليح ومزيون

في هواهم قال وهم له يميلون

لحروفه يبدون البشاشه ويهلون

وان سكت وينك ياسيدهم يسألون

محتار من يصدق وهم كود فرسان عليه يغيرون

يلعبون وفي رياض اليوف ويعبثون

تدرين عاد يامنيره

مالي سوى حبج بنيتي ياتاج راس ذاك الحنون


سليمان القصار

يابعد عيني
















تعال ارسم حلا روحك بوسط عيني

الرمش ريشتك واللون ماي عيني


سليمان القصار

ياصويحبي











المركب لي من ركس ، ماترده الدعاوي


سليمان القصار

بسرعه














لي خليل جما الروح للهوى مشتاقه

في يوفه دفى شتاي تاخذني له الشفاقه


سليمان القصار

فلعه










لي صاحب (ن) لا عليه ولا له
ردي الراي والطاري عقل ماله
لسانه ابد ما اغناه عن حلاله
من جلة حياه المنقاش شاله


سليمان القصار

الثلاثاء، 5 أكتوبر، 2010

نصيحه















لا تامن انسان ان سعى لك

والله لو على القاع حبى

اصبــــــــــــر

يمكن يطلع شايبه ماهو ذهبه.


سليمان القصار

ياشينك











نسل الشعر وتخنن

والبس من الضيج بنطرون وتفنن

تميلح تمايل تعنفص وهايل

وبالسوق سو الهوايل

بس هااا ياشين شاربك بعيني وعين اهل الحمايل.


سليمان القصار

هذيان















خذني يابعد عيني

خذني واحضن اليوف ولهان

خذني وسافر بعيونك أوطان

خذني طفل يحضن كفوفك

خذني بسمه أداعب شفاك

تدرين يابنيه :

باخذك من عين كل مغليك

باخذك هدب عيني يغطيك

باخذك شتى شوقي يدفيك

باخذك ليل والقمر يحازيك

باخذك عمر وعن الناس أغنيك


سليمان القصار

ياصويحبي











ياصويحبي شراع السنع للناس فله

تلقاك حضنت الورد وانت بالوسط فله

والا الردى يافلان تركه وخله

دربه شقى وهموم وهو عله


سليمان القصار

عندك خبر ؟؟؟











الحيل ماهو ركضه وفزة بساع

الحيل لي من سعيت تطرد ورى الخير يافلان


سليمان القصار

تدرين











لي أصبح الوقت مريت

أكحل العين بطرف دارك

ياسجين الدار معذور

جما اللولو يحميك سقف محّـارك


سليمان القصار

شر النفوس













النفوس شانت وارتخت

وللشر مالت

الشوارب نكت والعِـقِـل طاحت

يافلان احفظ شاربك

مايفيدك شرك اذا الساعه صاحت


سليمان القصار

نصيحه












يا صويحبي ساير الناس واكسب معادنها

وهيم في سماهم جما الطير ولا تثقل علومك

ونفسك عن درب الردى ياخوي دنها


سليمان القصار

هذيان















يا نظر عيني لا ياخذك ظن ولا واش

ترى الشك ان حيا والله ابد ما عاش

يابنيه روفي بحالتي لي قلت

ضلوعي لج حضن يا لولو يادر وقماش

و ضلع الهوى ليمن قسى

مايجبره طب دكتور ولا شاش


سليمان القصار

بالك











يا فلان اضحك وسامر وباعراض الناس حاذر ابد لا تهيت وتغامر

و لي من مشيت

في درب الهوى مغرور تلعب وتغامر

تأكد جاك اليوم

اللي تشوف فلان يحوس بيتك وانت ساهي وخامر


سليمان القصار

تدري ؟؟












إنه الردي ما يشيخ الا على الردي

والشيخ شيخ يافلان وان ما شاخ


سليمان القصار

قوي باسك













الله اكبر ياحر قلبي ويا قو باسك

جذيه وبساع تخون اعز ناسك

مسكين غرك زمانك واللعب حاسك



عقب الوفا لك صرت لي خوان

عطيتك عمر وعطيتني ثوان

ااااه ياحر قلبي على يور الزمان



ردي معدنك وياشين ساسك


سليمان القصار

ارفع الراس














ارفع الراس وخلك جما البوم لي ضرب قبه
وللخير خلك جما الغيص ولهان ينشد التبه
ياصاحبي طلبتك درب السنع حضنه وحبه

والردي تحت التراب وان عاش
والطيب لي راح حي لا بل عاش
والزم معدنه جدك كيف عاش


ومايفيدك ردي لا اصله لا معدنه ولا لعبه


سليمان القصار

هذيان














فل شراع المحبه في يوفي وهيم .. وساير بحور الوله فيني وهيم .. وفل جنحان المحبه وفي سما عمري بعد هيم .. ايه احبك واحب طاريك احب زولك وكل مافيك .. وانا عزتي لي من ضربت بحور الحيا فيك .. واقبل جبينك ستر يابعد عين مغليك.

سليمان القصار














مالج يا روحي ماتطوين ليل أمس
ويا ذا البال علامك تصيح بهمس
مادريت الحال وباجر يصير أمس
ولا يفيدك حزن ولا ضربة خمس

باختصار يارويحتي

خلي الامل فيج يبرق جما الشمس

سليمان القصار


نصيحه














لا ينحني راسك يازين ولا يذلك زمان
مـن حـيث عودك الصلـب به عزه وايمـان


سليمان القصار

ياصويحبي












ياصويحبي تمشيلي شبر تلقاني سبقتك باع
طيب معدني اعرفه شاريك لو هو ضميرك باع
اساير في مودتك بحور واضرب غبيبن فوق الباع
طلبتك صاحبي افطن لاتصير لشين الطبايع تبّاع


سليمان القصار

هذيان














البنت جما الورده وطفل ..

لي من حجت .. انحنى راسي ومال سمعي .. وذكرت الطفل وتناهيده باول اسبوعه .. ولي من ضحكت .. شفت طفل صافي الحلا .. وشكثر شفقان على حبة خدوده .. الله .. يوم زعلت .. ذكرت يميني وهي تحط على جبين ذاك الطفل .. وانا ابتسم اقول ابوي انتي .. وان بجت وهلت الدمع .. شفت الندى وهو على خد النوير زاهي

سليمان القصار











ياصويحبي الغريب سل سيفه وسله
واخذ مني العنب وفوق العنب سله

ومن منه ؟؟

من ذاك اللي حلا روحه وسط عيني محله
باح سري وسلم صك الوفا لجل من به العله

يا صويحبي اليوم

بعاند حر الحشى واسكت ليمن ذكر طاريه وهله

ويا فلان

الدمع عقب فرقاك ياسيدي عيب اذله


سليمان القصار

ياصويحبي











ياصويحبي

ساير دروب السعاده .. ياخوك لك فيها محل

واقطع طريج الياس .. دام المشاكل لها حل

وارفع مقامك يازين .. عن الشين لا يصير لك محل


سليمان القصار

هجرهم والصد


هجرهم والصد

كلمات والقاء
اخوكم

سليمان القصار




video

دهري بكم


دهري بكم

كلمات والقاء
اخوكم
سليمان القصار


video

الفريج



تبون تعرفون شنو شفت بذاك الفريج ؟

سمعوا التسجيل وتعرفون

الفريج
كلمات والقاء
اخوكم

سليمان القصار



video

قال الطير


قال الطير .. تسجيل جديد

كلمات والقاء

أخوكم سليمان القصار


video

يابحر


تسجيل بصوت اخوكم سليمان القصار بعنوان يابحر




video











كان لي سدره وكنت انا ظله
شعرة يوفي و انا حبيب (ن) له
يا قوها اليوم صرت انا ماضي (ن) له

زمانٍ مضى حشى والله ما يعود
وليالي الشوق وياه ابد ماتعود
والشق باليوف ياصويحبي اليوم عود

رويحتي وان غاب عقبي حبيب ما أظن له


سليمان القصار







خيام الامل باليوف خلها منصوبه
وطريج الياس بالك يافلان تمر صوبه
ورابع اصيل واخذ كل زين من صوبه

حب شخصه وعزه وعن الشين داره
الشين ياصويحبي مايفيدك هوى داره
ردي معدنه لابوه لابو من سكن داره

وخلك جما الروض الخضر كلن يمر صوبه

سليمان القصار

الأربعاء، 3 ديسمبر، 2008


بعد الغيبه الطويله عندي حجي ماهو مصفصف ولا هو مسنود ... على راسة كلمة (بقول) كلمه اعبر فيها بصدق كلمة على لسان حال البعض .. واسمحولي على ضعف الكلام .. وانا عذري اني من قلبي نزعته ..







بقول

الجار ماعاد هو جار ..

بقول

اشوفه تعدى وجار ..






بقول

الناس حالها الطمع ..

بقول

الفلس بالعين انطبع ..









بقول


الترف حالنا والفسق فينا ..

بقول

ترا الفسق ياكبره وياشينه ..









بقول

بيتنا به سقف عالي ..

بقول

في بطنه خمسين حمالي ..









بقول

واحد للفلس و همه الدينار ..

بقول

واحد للفحم و هو بالخفا عيار ..









بقول

مليت وانا باوراقهم أرز الصح ..

بقول

اليوم الرجا فيهم شح ..







بقول

يالردي خم الورق وعس ..

بقول

ترا عقب اللعب لابد من بس ..







بقول

يالفقير انا وياك محتاس ..

و بقول

لا بعد ترا ما طلع الداس ..



سليمان القصار























الاثنين، 1 ديسمبر، 2008

قال الطير


بروحي


مشيت ومدري وين الطريج ..

بروحي


اتبعها جما المشتاق الهث ..


هي

خطواتي خذتني لذاك السيف ..

مره


الرمل
الخطوه يداعبها ..

ومره

النسناس روحي يداعبها ..







قعدت

على السيف وايديني تحضن ركبي ..

قعدت

مره أخز البحر ومره أهابه ..

والبحر

ياوسع قلبه ما به كآبه ..










شفت

الطير العتيج يمي يلالي ..

شفت

المايه نوبه تروح ومره ترد

سمعت

صوتها عذب والنغم تش

قعدت

انا والطير نهذري ونحش

يقول الطير

علامك الهوى يجرك و يوديك

وشفيها

عينك ولهانه تبي البحر عطشانه

ها !؟

اخاف العشق صابك وخذاك

قلت

لا حشى ورب البيت لاني عاشق ولاني للحب صفيت

انا ذنبي

شفت البحر بعين ابوي

وجيت

لاهل البحر والسيف والنقعه

جيت

ادور البوم وشراعه الصافي

جيت

ادور من بناه وشك مسماره

جيت

للشوعي والجالبوت والماشوه

بساع

هاج البحر واختاض

وراحت

المايه وكشفت قاع

حبها

سليمان وداوود ومبارك

ضاق البحر

وسالت الدمعه على خده

وسليمان

لأبوه خطواته ترده



سليمان القصار