بروحي
مشيت ومدري وين الطريج ..
بروحي
اتبعها جما المشتاق الهث ..
هي
خطواتي خذتني لذاك السيف ..
مره
الرمل الخطوه يداعبها ..
ومره
النسناس روحي يداعبها ..
قعدت
على السيف وايديني تحضن ركبي ..
قعدت
مره أخز البحر ومره أهابه ..
والبحر
ياوسع قلبه ما به كآبه ..
شفت
الطير العتيج يمي يلالي ..
شفت
المايه نوبه تروح ومره ترد
سمعت
صوتها عذب والنغم تش
قعدت
انا والطير نهذري ونحش
يقول الطير
علامك الهوى يجرك و يوديك
وشفيها
عينك ولهانه تبي البحر عطشانه
ها !؟
اخاف العشق صابك وخذاك
قلت
لا حشى ورب البيت لاني عاشق ولاني للحب صفيت
انا ذنبي
شفت البحر بعين ابوي
وجيت
لاهل البحر والسيف والنقعه
جيت
ادور البوم وشراعه الصافي
جيت
ادور من بناه وشك مسماره
جيت
للشوعي والجالبوت والماشوه
بساع
هاج البحر واختاض
وراحت
المايه وكشفت قاع
حبها
سليمان وداوود ومبارك
ضاق البحر
وسالت الدمعه على خده
وسليمان
لأبوه خطواته ترده
سليمان القصار
المشاركات
هناك 13 تعليقًا:
ولا اروع بوست يا سليمان
قريته مرتين وما شبعت من حروفك
بروح اجابل طيرك مره ثانيه
وبرد اعلق
أأأي علي امواجه
واذا احتضنتني شطئانه
وتنفس صدري نسماته
أحب أقعد على أطرافه
أتلحف بدفى رماله
يجذبني ايقاعه غريب
وهدوئه رهيب...
احب اقعد على البحر مو اي بحر
احب المكان يكون هاااادي يجمعني
معاه ...
صوره جميله حملت في نهايتها عمق كبير
وكلماتك جميله تعبر عن اجمل احاسيسك
مادري ليش ياني ايحاء لون طيرك ذهبي
;)
تحياتي
صبا
طيري حوام بالفضا ماقعد ولا ارتاح ... يشوف القاع بعيده عمرها الارض ما لامست ايده ... لامن طيبه ولا برضاه ... مغصوب والحكم جاه ..
تسلمين وما قصرتي انتي تعابيرك جميله تمثلت باطراف البحر ودفئ الرمال .. حبيت الكلام وطيري رسم المنظر بعينه ;) .. صبا جد جد تسلمين على التعليقين ..
بأمان الله
مساء الخير سليمان
من امس وحديث امواجك يحوس فيني ..
اتهقى اشسويت ؟؟
ووين رحت ..؟؟
من الساعه 8 الي ال10 وانا قاعده على بحر منتجع النخيل الpalm
ما غير انا وصوت الموج وهو يكفخ بالرمل ويتكسر على الصخر...بروحي هدوووء
غصت بأفكاري بعيييد بأعماق البحر
والجو اليوم شي مو طبيعي روعه
وفكره اتييني وتوديني
استرخيت
ورديت البيت
:)
صبا
يامال العافيه ..
شي جميل ان الانسان يختلي بنفسه ويقعد جدام من يهوى ويحب فما بالك البحر
( يازينه ) ..
ما اجملها لحظات الاسترخاء على نغم ارسمله صوره بعقلي وتاخذني داخل ذاك الإطار اللى ابيه ..
البحر طيب وكريم ياخذ منا كل همومنا ومتاعبنا ومشاعرنا وينقلها داخل اعماقه سر ..
صب الهوى بحضن الرمل صبا ..
وعينها لازمت بحره صبا ..
والريح مالت صارت صبا ..
يحفظج الرحمن ... بأمان الله
ماشالله تبارك الرحمن
عيشتنا الجو وياك ياسليمان
باخذ فره وأرد :)
جمل بسيطة ومعناها كبيرة والله :)
صح لسانك :)
ريلاكس
حياج الله ... وهذي الساعه المباركه .. ديري بالج بالطريج :)
سارونه
تسلمين وصح بدنج ...
كل عام وانت وطيرك الحلو بخير
؛)
ويرزقك بالي تتمناه
ويعطيك على قد نيتك
ياااارب
ويجعله سنه سعيده مليئه بالافراح
بحفظ الرحمن
....
kil 3am o enta eb alf 5eer :*
klamk 7elo sliman
a7b agraalik daymaan
ymkn el klam el mktob yo9aal akthr mn el msmoo3
lahena m3 el deniyaa bs ma nsenaa ahlnaa o 3zwtnaa
o Dawood O Mbark esmeen m7foreen fe globnaa lil abaad
7afthk el r7man big bro :*
كلمات رائعه جدا اسعدني تواجدي هنا اسمح لي بان احجز لي لديك مساحه وان اكون من متابعيك..~
سلامي لك
وينك ....سليمان ؟؟
انشالله تكون بخير يارب
:)
إرسال تعليق