السوق

يبه


تذكر .. لما مسكت ايدي .. وانا بعدي من الطول ماخذيت ..

تذكر .. وانا يمك طفل بالحلم اهيم .. وانت بالفكر سارح ..

تذكر .. لما قلت احبك وانت بضحكتك حضتني ..

تذكر .. من قلت وصلنا وانا بي الشوق وااااااايد ..


تدري يايبه


اذكر .. ذاك السوق القديم به السقف عالي ..

اذكر .. سكته طويييله وياقصر خطواتي ..

اذكر .. الدكاكين صغار .. والخير حاضن بركتها ..

اذكر .. الناس يمي يمرون .. وانا بعيوني ارسمهم ..


تدري يبه شنو شفت


شفت .. شايب يمد ايده .. و إيد الفقير بيده ..

شفت .. العيوز لازمها السنع .. والعباة تطرد وراها ..

شفت .. الدراعه وهي تحضن البنت .. تاج الستر ياحلوها من بنت ..

شفت .. الصبيان ياكثرهم لا هذا تعدى ولاهذا يأذي ..


اخواني وخواتي ... ترى كل المعاني الطيبه حملناها من زمان .. من هوى ديرتي اخذناه .. ومن اهلنا طبعناه ..
وصحيح فقدنا اشياء وايد وشوقنا لها زايد .. بس اللي علينا انا نأسس مجتمع داخل مجتمع صادق وطموح أمنيته الرساله العتيجه اللي وقف حاملها من زمان .. نأسس مجتمع يكون قدوه للناس ولديرتي فدوه .. وهذا كله بعيد عن التطرف سواء الديني والمذهبي وحتى السياسي والفكري والسبب تاج راس كل قاع وهي الكويت .

ومني لكم .. ومنكم الفكر والتعليق

بأمان الله

سليمان القصار